一直以嚟，大家印象中嘅高性能引擎一定多哇佬，但越多哇佬就真係等於越好？
日本車一定係日本製造？當然唔係，以前香港有賣過泰國製造嘅，依家亦買到英國或者印度製造嘅，但中國製造嘅豐田？啱啱就史無前例有一款到港，佢就係由廣汽豐田製造嘅bZ3X喇！學廣告歌嘅歌詞話齋，呢架中國製豐田如果太多國產味，會唔會日本車味冇埞企？今次就由Brian同Avery為大家探究一吓bZ3X係唔係又啱豐田味，又啱晒你啦！
2002面世，喺香港曾經好流行嘅VW Touareg，香港都冇得賣好多年，廠方喺尋日更加宣佈明年就會停產「Combustion Engine Model」⋯⋯唔通廠方暗示將來會有純電動版本？唔通傳聞明年亮相嘅純電動7座ID.8就係入替Touareg嘅新車？兼且將會用廠方最新嘅命名法，到時會叫做ID. Touareg？我哋同大家拭目以待啦！
相隔咗超過半世紀，香港終於又有平治的士喇！平治尋日喺香港發表由純電動eVito變身而成嘅傷健的士，亦即有需要坐輪椅嘅，可以直接連輪椅推上車乘坐。
2018年由VW集團旗下SEAT分拆變成獨立品牌嘅Cupra，喺2021年限量發售7,000架用咗奧迪2.5TFSI直五Turbo引擎嘅Formentor VZ5。廠方應該食髓知味，喺上星期再限量推出4,000架由Facelift版Formentor變身而成嘅VZ5型號，而且今次既有左軚版，亦都有右軚版本，最重要係據聞售價繼續比奧迪RS3平5千歐元左右，大概6.2萬歐元有交易。
2025新版小鵬G6已經到港喇！驟眼睇，新款車好似冇乜唔同，但實際上，裏裏外外改咗好多嘢，而且除咗原有嘅後驅版之外，仲追加咗今次測試嘅高性能四驅版，究竟呢個新版本嘅駕乘表現係點呢？依家由Brian同埋Samantha一齊話俾大家知啦！（片尾有Avery同埋Samantha主持嘅「駕輛覆機」）
俗稱「#大B」嘅豐田Rumion，比同廠bB更大架更實用，後座拍得住7人車咁闊落㗎！所以就算車齡閒閒地10年以上，但依家二手交投仍然好活躍，最正嘅係幾萬蚊就有交易，買嚟粗用完全唔會肉赤！不過，始終Rumion嘅車齡都有番咁上下，大家考慮買佢之前都有啲嘢一定要留意，我哋一片話晒俾大家知！
今時今日，攞住廿零萬Budget真係有大把新車選擇，而且好多都唔係將貨就價，就好似今集「駕輛擂台」嘅四部，都係CP值好高嘅電動車，我哋幾位同事拗到面紅耳熱都決定唔到邊部係最佳選擇。所以，今次我哋舉行一個「全港首屆廿萬頭CP值最高電動車選舉」，由幾位同事向未揸過呢四部車嘅Gin姐「拉票」，由佢選出邊架係最佳選擇！
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
我哋好耐冇同歌影視藝人合作喇！今次有機會同演技精湛嘅陳凱琳Grace Chan一齊演出，當然獲益良多啦！至於我哋幾個喺#平治原廠維修中心 搞邊科？大家記得由頭睇到尾，唔好錯過影片每一秒鐘呀！（PS. 我哋嘅演技一定唔及陳凱琳Grace Chan，但大家都不妨留言話俾我哋知，我哋今次嘅表現值幾多分）
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
過往有唔少觀眾留言話想睇吓電動車嘅車底，徇眾要求，我哋搵咗依家競爭最激烈、車款選擇最多，全港所有售價係2字頭嘅電動車出嚟，不惜用咗多日前期及後期製作時間，完成呢一條滿足大家好奇心嘅「露底」影片！片中仲加咗多個大家一定要知，同電動車相關嘅實用資料俾大家參考添！
Gin姐同陳生以前每年去歐洲出差，至少都會途經或以慕尼黑作為目的地五六次，但係一個疫情，佢哋已經好多年冇去嗰度。所以，今年趁住去慕尼黑出差嘅空檔，佢哋借咗香港就快有得賣嘅混能MG ZS HEV喺當地自駕遊，帶大家參觀陳生認為人生必到旅遊景點之一，簡直係「活生生百科全書」嘅德意志博物館，而Gin姐就拉咗陳生去試慕尼黑舊城區一間網絡人氣幾高嘅日本餐廳，睇吓喺德國食日本菜仲係唔係好似以前咁伏！
晚晚都聽收音機嘅陳生，有一晚喺「Bad Girl佬」節目聽到阿正話佢考到牌，但唔敢揸車，於是身為忠粉嘅陳生膽粗粗約阿正出嚟，為咗度身訂造一堂｢驅心魔治駕遊｣！究竟陳生有咩方法令阿正去除揸車嘅心魔呢？大家一齊睇片搵答案啦！
