大家有冇遇過啲車，只係坐得四個人，覺得恨鐵不成鋼？今次 BYD Atto 1 香港版有樣嘢醒，深明香港人嘅心理，特登引入五座位嘅版本，比其他地區多一個位！之不過，呢個「醒」，係「清醒」定「懶醒」？到底「第五個位」坐唔坐得人？點解香港版馬力好似細過某啲地區咁多？究竟實用性能否同日本車媲美？試咗先講！
尋日講過架蘇富比Monterey Week拍賣會中，編號「0」嘅法拉利Luce以4,000萬美金賣出，款項全數捐去The Ferrari Foundation作為慈善用途，原來呢位買家大有來頭，舊年同一拍賣會中以2,600萬美金成交嘅編號「599＋1」特別版Daytona SP3，亦都係佢買咗㗎！
早前有專業攝影師野生補獲梁朝偉喺石澳道揸住架Gunther Werks 993，令唔識Gunther Werks嘅朋友都認識到呢架細車廠係咩來頭。咁啱得咁橋，Gunther Werks早幾日發表佢哋嘅最新作品，就係呢架GXR Evo。
GMA（Gordon Murray Automotive）再添新成員，佢就係外形比之前所有型號更似當年麥拿侖F1嘅S1。
面世已經有3年嘅林寶堅尼Revuelto，廠方早兩日追加咗SV版本俾大家揀喇！叫得做SV，當然係勁過普通Revuelto啦！
萬事得6e唔單止係廠方第一款正式喺香港發售嘅電動車，亦都係第一款到港嘅中國製萬事得。雖然佢嘅外形同以前嘅萬事得好唔同，但能夠貫徹廠方嘅「魂動」設計概念，係靚嘅！之不過喺咁靚嘅外形之下，呢架6e可唔可以保留萬事得「人馬一體」嘅操控感呢？我哋今次試車就係要搵出呢個問題嘅答案！
911有咁多代，舊嘅難Keep，新嘅又貴，究竟邊一代邊一款嘅二手車最易入手兼最值得Keep呢？我哋商量過之後，一致認為係2006年推出嘅997 Turbo！點解揀佢？陳生同Brian喺片中一邊試車一邊話俾大家知！
當知道可以試揸光岡Himiko，陳生即時諗到一定要搵埋Brian出嚟試，因為Himiko係由MX-5 NC變身而成，而Brian就曾經擁有過一架MX-5 NC，身為前車主一定可以分辨到揸Himiko同原裝車有幾唔同啦！結果，呢架Himiko完全顛覆晒人Brian同埋陳生對MX-5嘅印象！而且搵出車主點解願意花40幾萬港紙由日本買呢架中古車返嚟！
陳生決定搞大食會慰勞一班《駕輛》同事，適逢就快農曆新年，所以帶埋我哋去百佳超級市場一齊掃貨。本住「寓娛樂於工作」嘅精神，所以我哋一於嚟個「駕輛挑機」，睇吓係《駕輛》男同事Shopping醒，抑或女同事Shopping勁呢？
嚟自日本嘅KeePer PROSHOP，每年都會舉行一次比賽俾佢哋嘅汽車美容師參加。佢哋今年仲邀請埋我哋一齊參賽，我哋卻之不恭，派出《駕輛》兩位年輕有為嘅精英Avery同埋Brian參加。輸就預咗㗎喇！但即場有幾雞手鴨腳、發生咗幾多蝦碌嘢，大家一齊嚟笑住睇片啦！（片尾有陳生同Avery主持「駕輛覆機」）
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
用真車嘅價錢買套賽車 SIM，係傻定識貨？點解個個車手都會擒上模擬器日打夜打？對住個 mon 啫，可以有幾真實呀？今晚 Lawrence 同 Brian 化身「鍵盤戰士」，一齊去拜訪香港賽車模擬器鋪頭 ARC Motorsport，試玩佢哋兩台用上頂級硬件、價錢各約 20 萬港元嘅鎮店之寶。究竟俾到呢個價錢，可以換嚟點樣「真」嘅駕駛質感？玩後感係「伏」定「服」？
自古以嚟，婆媳糾紛都會搞到屋企嘅男人左右做人難。但今次有啲唔同，我哋「駕輛小劇場」嘅幾位主角，為咗揀邊款MAXUS MIFA 7而唔係出現婆媳糾紛咁簡單，大家一齊嚟睇吓做乜陳生一家人家嘈屋閉啦❗
車仔麵係香港地道美食之一，經過幾十年演變，出現咗唔少新派風味車仔麵，Samantha係其中一個捧場客，但陳生由細到大都只係鍾意食傳統車仔麵，所以兩位每次一講到車仔麵就好多火花。為咗化干戈為玉帛，今集「搵位搵食」一於一日食勻傳統及新派車仔麵，睇吓Samantha同陳生會唔會轉軚，新派舊派都鍾意！
Bridgestone RE005實測・陳生早...
