以前買車好簡單，平車多數細、窄、冇力、內櫳齋，貴車多數大、闊、豪、靚、多花臣，係不變嘅定律！不過今時今日，揸住廿幾萬買電動車，字面上已經要乜有乜；咁傳統高檔牌子嘅車，幾十萬一部，仲有咩生存空間？仲有咩值錢位？今次 Avery 同 Brian 試 Lexus RZ550e F Sport 同 RZ500e Luxury，發現原來一部車要好揸，真係唔使咁多牌面嘢⋯⋯（片尾有「駕輛覆機」）
豐田喺尋日發表出戰2026 WEC大賽嘅新版TR010 Hybrid Hypercar，同步宣佈將總部位於德國科隆嘅Toyota Gazoo Racing Europe GmbH及相關嘅研發中心，改名為Toyota Racing GmbH，而且現時所有Toyota Gazoo Racing賽車及車隊官方名稱，將會喺2027年1月之前逐步變成Toyota Racing，型號名英文字頭亦會由GR變成TR。
自出世以嚟都住喺港島區嘅陳生，最近搬到佢好陌生嘅荃灣區。由於唔知左近有乜好食，所以搵咗地膽Samantha一齊去搵佢最鍾意嘅麵食，一日裏面食勻呢一區好有名嘅雲吞麵、上海麵、日式沾麵，同埋我哋《駕輛》同事一致認為好食嘅台式拌麵。就算唔係「荃灣之友」都好，大家都一齊嚟睇吓呢幾間麵店會唔會係你哋嘅心水之選啦！
平治早前發表叫做Tomorrow XX嘅最新持續發展計劃，講佢哋有咩新款環保物料，同埋新方法去提高循環再用百份比兼且減少碳排放。
大家對上一次入戲院支持港產片係幾時？最近《尋秦記》上映，陳生話好似返返廿五年前咁，要捉埋Gin姐一齊入戲院懷緬後生時光！聽聞同場會有一班電動車車主一齊睇，Gin姐計劃捉啲電車車主做街訪，問下香港揸電車有咩開心、有咩控訴，但竟然遇上意外！到底成唔成功？
十幾萬電動車嘅 Segment 好奇怪，選擇有兩種，一係貴精不貴多，細細部 Hatchback 講求有型有款，但實用性難免打折扣；一係就有容乃大，成部中型房車原隻上，當買鐵、斷斤秤都抵，但揸起嚟稱唔上賞心悅目，甚至有「開工」之虞⋯⋯
電動車越嚟越多選擇，售價亦都越嚟越平，例如最近到港嘅AION UT，就算唔「一換一」都唔使15萬就有交易，仲要設備多多，車廂夠闊落，唔似將貨就價喎！（片尾有「駕輛覆機」）
依家 20 幾萬國產電車多過益力多，要突圍而出，再靠「冰箱、彩電、大梳化」已經吸引唔到人，畢竟呢啲嘢人有我有，但要做到紥實操控就易學難精。
香港實在有好多潮州人，陳生就係其中之一，所以佢對潮州菜特別講究，能夠成為佢其中一間「飯堂」自然少之又少。今次佢帶一班同事去食嘅一間，就係陳生近十年八年嚟一直有幫襯，能夠做到「粗料精煮」嘅正宗潮州菜館。食過之後，大家都舔晒脷，大讚好好味呀！
我哋好耐冇同歌影視藝人合作喇！今次有機會同演技精湛嘅陳凱琳Grace Chan一齊演出，當然獲益良多啦！至於我哋幾個喺#平治原廠維修中心 搞邊科？大家記得由頭睇到尾，唔好錯過影片每一秒鐘呀！（PS. 我哋嘅演技一定唔及陳凱琳Grace Chan，但大家都不妨留言話俾我哋知，我哋今次嘅表現值幾多分）
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
如果話F1係汽車競技嘅「巔峰」，WRC越野賽就係汽車競技嘅「癲瘋」！不論有幾多百匹嘅馬力要喺泥沙冰雪石地施放，無論天氣有幾變幻莫測，車手嘅專注力依然不被撼動，觀眾嘅熱誠依然唔會冷卻。
依家嘅電動車都標榜高科技，其中一個唔少買家都Buy嘅功能就係自動泊車。但香港市面邊一部自動泊車最醒？邊一部最勁？我哋一於搵嚟市面數一數二厲害嘅5款電動車，同場進行一個挑戰賽，又泊S位又泊L位，最後突圍而出嘅就係⋯⋯大家睇片睇結果啦！
大家記唔記得「戇男」呢個名？有冇睇過佢嘅賽車漫畫作品？《飛車小流氓》、《GT-Racing》⋯⋯要畫得出一輯好睇嘅賽車漫畫，除咗必先有一定畫功、對車有一定認識，最緊要嘅係，一定要愛車。不過大家都知，創意行業嘅生活絕對唔簡單，尤其喺當年割喉嘅漫畫界，日夜顛倒十常八九，要生存真係要「搵命搏」。今晚講述一個因為愛而玩車、因為愛而畫車，從而心力交瘁、登峰造極，喺港漫史上留下不可磨滅嘅印記，一個屬於「戇男」嘅故事。
【駕輛挑機】Brian同Avery最近參...
