面對環保道德嘅壓力,究竟法拉利對V12引擎仲可以堅持幾耐呢?Gin飛到意大利Maranello總壇參與全新一代法拉利V12發佈會,搵出嘅答案係繼續忠於原始,V12自然吸氣引擎仍然無添加。不過,12Cilindri呢個車名讀音就考起唔少記者,作為全港唯一親眼見過真身嘅Gin姐,究竟佢讀唔讀到呢?全新12Cilindri嘅外貌帶來驚喜之餘,發佈會仲罕有同步推出埋開篷Spider,一次過俾班V12忠粉諗清楚要有頂定無頂。
北京車展當然係以國產車為重,歐系日系新車、概念車都好似做咗配角,數量唔多,而且唔太受國內傳媒關注,之不過仍然有幾個歐洲及日本大牌子以北京車展作為佢哋全球首發新車嘅地方,我哋一於帶大家睇吓最為香港人關心嘅幾款新車啦!
Tesla喺香港正式發表新款Model 3 Performance嘅同一時間,宣佈下調全線Model 3及Model Y嘅「一換一」售價,下調幅度由5.9%至9.4%不等!
每年北京車展,都必定係以國產車為重;踏入第18屆,情況有變,係變得更為誇張同熱鬧。不單國產品牌多到數唔清之外,整個會場八大場館都幾乎清一色被電動車(新能源車)全面攻佔,無論係純屬概念嘅、準備投產嘅、就快推出嘅⋯⋯都必定有一部會啱你。
上星期開幕嘅北京車展,奧迪嘅重頭戲當然係Q6 e-tron啦!而且仲要係大陸獨有嘅長陣L版本!
舊年年初,Avery去咗新加坡簡單試揸過Subaru Solterra,我哋啱啱終於喺香港詳細試咗呢款新車車喇!之前好多觀眾都叫我哋對比一下Subaru Solterra同佢哋姊妹車bZ4X,所以我哋今次就出動4個主持,當中3個都試過bZ4X,一齊同大家講吓對呢兩部車嘅分別,點揀先至最啱自己,四驅嘅Solterra係咪真係好唔同呢?
法拉利Purosangue終於嚟咗香港喇!話晒官方話佢係一部「四門、四座跑車」,又點可以淨係試佢嘅性能呢?所以我哋今次設定咗幾個任務,殺入旺角鬧市睇吓Purosangue能唔能夠完成,有能力成為適合香港地嘅家庭用車。究竟Purosangue過唔過到關呢?大家睇片搵答案啦!
其實我哋先後喺香港試過Maserati Grecale嘅Modena同埋Trofeo版本㗎喇,之不過呢一部Maserati Grecale Folgore,係Maserati第一架發售嘅純電動車,所以我哋唔錯過機會,派出Gin姐長途跋涉去到意大利試車⋯⋯係呀!英國去意大利都長途跋涉,Gin姐頭頭尾用咗20個鐘先到埗呀!究竟點解呢?
近年市面多咗唔少DIY車身鍍膜,相信大家同我哋一樣都好想知道,呢啲幾百蚊貨仔嘅效能係唔係值回票價抑或廢到無倫,所以我哋《駕輛》自己攞錢出嚟買咗7款DIY車身鍍膜進行測試,結果連我哋都覺得出乎意料之外!
喺賽車Game嘅世界,GT7係暫時唯一對應VR2嘅遊戲,而且更要用幾乎一部PS5主機嘅價錢($4,580)去買,如果淨係玩一隻Game,講真阻力都唔細。陳生喺未試玩之前,諗法同大家其實都一樣;不過,試完之後,陳生話呢鋪真係返唔到轉頭,事關進入咗VR2世界嘅GT7,就係目前唯止最真實、最有現場感嘅模擬駕駛體驗,只要你係車迷嘅話,冇得傾,只有乖乖俾錢……
得嗰一千蚊「畢直」嘅情況下,老爹就四周圍搵啲啱要求嘅吸塵機,結果⋯⋯化身做實驗室博士,做咗個超詳細嘅實測報告,測試車用吸塵機嘅項目有8個,當中包括吸力、儲塵量、續航力等。究竟邊一部可以將車裹面嘅窿窿罅罅都吸得一乾二淨呢?邊部嘅性價比最高呢?
北京車展當然係以國產車為重,歐系日系新車、概念車都好似做咗配角,數量唔多,而且唔太受國內傳媒關注,之不過仍然有幾個歐洲及日本大牌子以北京車展作為佢哋全球首發新車嘅地方,我哋一於帶大家睇吓最為香港人關心嘅幾款新車啦!
每年北京車展,都必定係以國產車為重;踏入第18屆,情況有變,係變得更為誇張同熱鬧。不單國產品牌多到數唔清之外,整個會場八大場館都幾乎清一色被電動車(新能源車)全面攻佔,無論係純屬概念嘅、準備投產嘅、就快推出嘅⋯⋯都必定有一部會啱你。
多謝大家嘅支持!《駕輛》YouTube頻道訂閱人數喺早幾日已經突破20萬喇!我哋全公司上上下下都好開心,好想同大家講吓我哋嘅感受,希望大家欣賞呢條「號外」影片啦!