今年稍後就會正式推出嘅全新本田Prelude，廠方早兩日擳牙膏式透露，新車用咗Civic Type R FL5嘅雙軸心麥花臣前懸掛同埋前Brembo迫力，而美版Prelude嘅動力系統就嚟自美版Civic Hybrid，即係本田嘅2.0L e:HEV動力系統；正常時間係純摩打驅動，引擎用嚟叉電或提高電壓，中高速或有需要嘅時候，引擎動力先至會落轆「油電齊發」。
Gin姐今次喺英國搵嚟專業F1評述員 #陳恩能 陪佢一齊試新款Aston Martin Vantage，因為今次仲會揸車去Aston Martin F1總部探班！探陳恩能相識嘅一位港人F1工程師！想知新款Vantage嘅表現係點，或者想聽呢位港人F1工程師俾Gin姐軟硬兼施後會唔會有咩F1黑幕爆咗出嚟，記得由頭睇到尾，睇埋片尾嘅「駕輛覆機」呀！
喺美國時間星期三嘅Tesla網上Q&A Webcast，當Elon Musk被問到廠方去年宣佈，預定今年推出嘅所謂「Model 2」會係點嘅樣，Elon Musk劈頭第一句就話「It's just a Model Y」⋯⋯
我哋3月講過本田打算開設「F1精品專門店」，等大家可以買到真真正正嘅本田F1賽車零件作為珍藏。最新消息，首件會賣嘅係冼拿部1990年McLaren Honda MP4/5B嘅RA100E V10引擎（引擎編號V805），呢副引擎曾經喺當年澳洲站用過，成副引擎拆散兼經過清洗後，連埋一個專用嘅陳列櫃一齊賣，櫃內仲有一個牌匾註明係正貨。
Tesla開設嘅第一間美式餐廳Tesla Diner，星期一已經喺洛杉磯荷里活開棊！樓高兩層，超過250個室內及戶外座位，24小時營業，唔少得嘅當然係喺停車場設有80個V4 Supercharger，等各位Tesla車主可以一邊食嘢一邊叉電！
Brian仔首次遠征海外試車！一換一售價接近 50 萬起跳嘅全新純電 CLA，喺今時今日 20 幾萬國產電動車一街都係、內外功能應有盡有嘅香港，注定同「高性價比」呢幾隻字冇乜關係，但世界上向來邊有抵買嘅 Benz 㗎？睇真啲，今次 CLA 其實都幾有誠意，身份唔再係以往嘅「A-Class 衍生物」，反而擔大旗用上全新外型、全新800V底盤、全新系統，所有嘢都未喺 Benz 入面出現過，亦係未來電動 Benz 嘅藍本。到底揸落用落係點？唔係講笑，驚喜十足⋯⋯
趁住第二代瑪莎拉蒂GranCabrio到港之前，Gin姐去咗意大利測試換咗V6雙Turbo引擎嘅Trofeo，以及首次推出嘅Folgore純電動版本。究竟由V8變成V6雙Turbo引擎嘅Trofeo版吸引啲？抑或變成電動，加速再快啲嘅Folgore吸引啲呢？依家由Gin姐話俾大家知！
之前好多觀眾都問我哋幾時測試Zeekr 7X，甚至車都未到港嘅時候，已經問我預訂呢款車好唔好？所以我哋預咗大家會有好多問題，例如平價版係唔係抵買啲，或者頂級版係唔係又豪華又快又劈得，於是決定同場一口氣測試兩個版本，等大家知道係唔係應該俾多10萬蚊，一步到位揀頂級雙摩打四驅嘅Platinum版，抑或其實可以慳返10萬蚊暖吓袋，買架入門後驅版已經夠用、夠舒服、好夠玩呢？
我哋好耐冇同歌影視藝人合作喇！今次有機會同演技精湛嘅陳凱琳Grace Chan一齊演出，當然獲益良多啦！至於我哋幾個喺#平治原廠維修中心 搞邊科？大家記得由頭睇到尾，唔好錯過影片每一秒鐘呀！（PS. 我哋嘅演技一定唔及陳凱琳Grace Chan，但大家都不妨留言話俾我哋知，我哋今次嘅表現值幾多分）
今時今日加裝前後車Cam已經係指定動作，但萬一發生交通意外，只係錄低車頭車尾情況，錄唔到車側位置，咁就隨時還原唔到事發過程，唔單止可能追討唔到賠償，甚至有機會調轉頭由原告變成被告呀！
時下越嚟越多人揸電動車，自然裝私人充電器嘅需求就變多咗喇！今次我哋介紹嘅係一間超過180年歷史嘅法國品牌，施耐德電氣所出嘅「Schneider Charge連線版本電動車充電器」！
陳生一直都唔明點解唔少人後生世仔唔揸，到變咗中坑先至嚟揸電單車呢？所以今次 #駕輛有人訪 特別搵嚟幾廿歲先入坑嘅 #張繼聰，以及佢嘅車友范煜騏一齊傾吓佢哋嘅入坑之路，兼且了解一吓Vintage Bike文化係咩嘅一回事，大熱天時都著住成套Vintage服飾揸老爺電單車真係咁過癮咩？（片尾有Gin姐主持嘅｢駕輛覆機｣呀！）
Gin姐同陳生、Avery喺上一集「搵位搵食」支持咗土瓜灣小店，所以今集陳生話要趁住Gin姐返咗英國食豪啲咁話喎！考慮到好多觀眾話我哋上次自駕遊到廣州又食又玩好正，所以今次決定再接再厲自駕遊北上，目的地係珠海同埋中山，仲要玩足兩日一夜，住五星級酒店，陳生未出發先興奮！
大學畢業後，Gin姐曾經搬到土瓜灣，仲係青春少艾嘅佢，經常幫襯附近貼地兼且唔貴嘅食肆。早前趁住返香港，佢帶咗陳生同埋Avery去到土瓜灣，試食幾間佢以前好鍾意，兼且好耐冇幫襯嘅食店。事先聲明，呢幾間食店嘅出品未必極之出色，但全部都有Gin姐嘅青春回憶㗎！（記得由頭睇到尾，睇埋「駕輛覆機」呀！）
搵位搵食．潮州菜嘅精髓係「#粗...
